गजल
✍जनकराज उपाध्याय " राजु" गुवाहाटी
तिमीलाई हेर्ने निहुँले आज तिम्रो सहरतिर सरेँ
सुनेको छु तिमी त लाखौंमा नै एक छौ अरे।।
भमरा र मौरीले घेर्छन् होला दिनभरी सायद
साइत जुराएर नै आउने छु म एक्लै भरे-भरे।।
गजल छ गीत छ सुनेको छु हर अदामा तिम्रो
ती आयामहरू बाँध्न तिमीलाई भेट्ने निधो गरेँ।।
तिरबिराउँछन् आँखा नजर मिल्दा भन्छन् सबै
प्रत्येक्ष नै हेरुँ कि लुकेर म त दोधारमा पो परेँ।।
अप्सरा मेनका पनि मात खान्छन् भन्ने खबर छ
बाँचेर फर्के बताउने छु तिमीमा म कति चोटि मरेँ ।।
तिमीलाई हेर्ने निहुँले आज तिम्रो सहरतिर सरेँ
सुनेको छु तिमी त लाखौंमा नै एक छौ अरे।।
Post a Comment